فبراير 22, 2019

من فضلك اختار القائمة العلويه من القوائم داخل لوحة التحكم

رسالة الى الكثير من مناديب شركات السياحة فى فنادق مصر

و.ش.ع

كتب/ محمد مختار

مش عشان تكسب شوية دولارات من السائحين بتوع الشركة اللى انت شغال فيها تقوم مطلع المصريين حرامية ومجرمين وارهابيين ومغتصبين
مينفعش وانت قاعد مع السائحين فى الفندق تحزرهم من انهم يشتروا من المحلات اللى فى الاسواق السياحية وتوقف حال الناس علشان انت مش متعاقد معاها فتخوفهم من الناس اللى شغالة فى المحلات وتقول انهم هيسرقوكم او هيخطفوكم او هيغتصبوا مراتتكم وبناتكم والكلام العبيط ده
لان السائح هيعرف انك كنت بتضحك عليه لما يلاقى ناس محترمة اتعامل معاها وساعتها هيبقى منظرك وحش جدا
مش لازم تمشى الناس فى طابور وراك وتوديهم على محلات معينة علشان تخد عمولتك
سيب السياح يتمشوا براحتهم ويشتروا براحتهم والناس كلها تشتغل لان ما ينفعش محلات معينة بس هى اللى تكون شغالة وباقى المحلات مش شغالة
فهمهم ان الشارع امان والمصريين محترمين وان كل الناس اللى شغالة فى المحلات بتخاف على السائح وعاوزاه يرجع تانى .
بطل انانية وحب بلدك اكثر ما بتحب نفسك
فماتشوهش ولاد بلدك علشان شوية فلوس لان ولاد بلدك هم بلدك

نبذة عن الكاتب

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *