الرئيسية / فن / شعر وادب / رسالة من عسكري

رسالة من عسكري

و.ش.ع 

شعر محمد الخولي

رسالة من عسكري

واقف على حدودك

سهران في برد الليل

دفيان على عودك

رافع ضلوعه سلاح

وبدلته عرضك

عروقه فيها النيل

وغنوة من أرضك

بيغني غنوة ألم

بيقول في أولها

يا إما أعيش البلد

ترجع لأحضاني

يا إما أموت وانزرع

شجرة على حدودك

كاتب رسالة على

رملك تواسيني

واحشني يابا وسلم

لي على أمي

وامسح دموع قلبها

وعطر المنديل

وعبي من صبرها

وعمر القناديل

دعاك ياما ورضاكي

هما دول ديني

وصلي ياما في عز الليل

عشر ركعات

وعلي صوتك عشان صوتك

يدفيني

انا بحارب عدو

ملوش وطن ولادين

بيقول كلام ربنا

وبيقرا سورة التين

بس اللي جوا القلوب ياما أسوأ من التعابين

دول ياما خانو الوطن ودبحو في الناس

جابو رئيس منهم زي الشيطان خناس

دول ياما مش زينا
ميعرفوش الدين

رفعو شعار ربنا

وبيعبدو الشياطين

انا ياما واقف هنا

ومتحمليش همي

وخلي بالك من اخواتي البنات

ومن بنات عمي

انا ابني ساكن

حشا مراتي وبعد يومين

ينزل حفيدك اسد

شايل معاه اسمي

وعرفيه ان انا

ما كنت يوم خوان

ولا كنت يوم معتدي

ولا عمري كنت جبان

خليه يحب الوطن ياما

ويغني لترابه

قلب الوطن مدبوح

بينوح لاحبابه

وف يوم سبوع الولد ياما

في بدلتي لفيه

وعرفيه ان الوطن

حلمي اللي ساكن فيه

لو ابني يعطش ف يوم

حب الوطن يرويه

قبل السلام والختام ياما

سميه على اسمي

اكيد ملامحه على

وشه بتوصفني

كل اللي يسمع بكاه

من صوته يعرفني

ولو قالو لك ف يوم

اني رجعت شهيد

خلي دموعك فرح ياما

وفرقي الزغاريد

دنا ياما راجع بطل

وابويا علمني

لو مصر عطشت ف يوم

ارويها من دمي

عن وكالة أنباء الشرق العربي 1

اضف رد

لن يتم نشر البريد الإلكتروني . الحقول المطلوبة مشار لها بـ *

*

Facebook Auto Publish Powered By : XYZScripts.com